ماذا عنا
الرئيسية >> ماذا عنا
عن هريسة احمد حسنين
من سنة 1965 بدأت حكايتنا من قلب سيدي بشر، شارع سيف – إسكندرية.
ابتدينا بمحل صغير، بحلم كبير، وطموح إننا نقدم أحلى وأطعم هريسة وبسبوسة بطعم بيحسسك إنك فى بيتك.
بفضل ربنا ثم حب الناس، كبرنا وكبر اسم “هريسة أحمد حسنين”، وبقينا علامة مميزة لكل عشاق الحلويات الشرقية.
ودلوقتي، مع أكتر من 18 فرع منتشرين مش بس فى إسكندرية، لأ وكمان فى محافظات تانية و بقى سهل تلاقينا في أي حتة.
كل يوم بنشتغل بحب، وبنحافظ على نفس الطعم الأصيل اللى اتعودتوا عليه من أكتر من 40 سنة… ولسه مكملين ❤️.
قيمنا
إحنا مش بس بنبيع حلو، إحنا بنقدم تجربة كاملة مبنية على مبادئ بنعيش بيها كل يوم… من أول الجودة لحد احترام الزبون وحبنا للشغل اللي بنعمله
شغلنا بإيدينا
كل حاجة عندنا معمولة يدوي، بحب وضمير، وكأننا بنعملها لبيوتنا.
الطعم قبل أي حاجة
إحنا شغالين على نفس الوصفة من سنين، عشان كل مرة تدوق فيها، تحس بنفس الطعم اللي بتحبه.
رضا الزبون هو الأساس
إنت مش مجرد عميل... إنت ضيف عزيز، وواجبنا نرضيك وتطلع مبسوط من أول زيارة.
تفاصيل عننا
معلومات عننا
وعدنا ليك
وعدنا بسيط: كل يوم هتلاقينا بجودة عالية وطعم مميز زي أول يوم، عشان تفضل دايمًا فخور إنك واحد من عيلة أحمد حسنين.
بداية المشوار
من سنة 1965، ابتدينا من شارع سيف في سيدي بشر - إسكندرية، بحلم إننا نقدم أحلى هريسة وطعم أصيل الناس كلها تحبه. ومن يومها والطعم بقى علامة في قلوب كل اللي جربونا.
سر الطعم الحلو
السر مش كبير... كل الحكاية حبنا للحاجة اللي بنعملها! بنستخدم أجود المكونات، وكل حاجة بتتعمل بإيدينا عشان توصل لك طازة وطعمها يفضل فاكرينه.
من مكان صغير لأسم كبير
بدأنا بحلم بسيط في سيدي بشر، ومع حب الناس وثقتهم بينا، بقينا موجودين في أكتر من 18 فرع في إسكندرية ومحافظات تانية. ولسه مكملين عشان نكون دايمًا أقرب ليكم بطعم ميتنسيش.